Published on: පෙබරවාරි 18, 2023

මහා ශිවරාත්‍රි දින සුබපැතුම් පණිවිඩය

මහා ශිවරාත්‍රි උත්සවය බැතියෙන් සමරන සමස්ත හින්දු ජනතාවට මාගේ සුභාශිංසන පිළිගන්වමි.

ලොව ජීවත්වන සියලුම ජිවීන් පීඩාවන්ගෙන් මුදා ගැනීමේ අරමුණින් ශිව දෙවියන්ට පැවැත්වූ බව කියන පූජාව ලොව පුරා හින්දු බැතිමතුන් මෙලෙස ශිවරාත්‍රි දිනයේ දී සිහිපත් කරනු ලබයි.

නිරාහාරව රැය පහන් කරමින් ඔවුන් උපවාසයේ යෙදෙන්නේ “අඳුර දුරලා ආලෝකය පැතිරේවා” යන ප්‍රාර්ථනය පෙරදැරිවය. එමෙන්ම එකිනෙකා අතර සාමය, සමගිය, සමානාත්මතාව වර්ධනය කර ගැනීම ද මෙයින් අපේක්ෂා කෙරේ.

එකිනෙකා පිළිබඳව වන අන්‍යෝන්‍ය ගෞරවය හා විශ්වාසය නොමැතිව අපට රටක් ලෙස ඉදිරියට යා නොහැකියි. මේ ආලෝකවත් ශිවරාත්‍රියේ දී අප අතර සබඳතා තර කරගැනීමට අදිටන් කරගතහොත් රට හමුවේ ඇති සියලු අභියෝග ජය ගනිමින් සාමය, සංහිඳියාව සහ සමෘද්ධිය සපිරුණු රටක් නිසැකවම අපට ගොඩනඟාගත හැකි වනු ඇත.

මහා ශිවරාත්‍රි දින දැල්වෙන පහන් ආලෝකයෙන් සියලු දුක්ඛ දොම්නස්සයන් නිමා වූ සමෘද්ධිමත් ශ්‍රී ලංකාවකට දොරගුළු විවර වේවා යි ! ප්‍රාර්ථනය කරමි.

රනිල් වික්‍රමසිංහ
ජනාධිපති
ශ්‍රී ලංකා ප්‍රජාතාන්ත්‍රික සමාජවාදී ජනරජය

මෙහෙවර

ජනාධිපති මාධ්‍ය අංශය අතිගරු ජනාධිපතිතුමාගේ දැක්ම, ක්‍රියාමාර්ග, තීරණ, ප්‍රකාශ තත් අයුරින්ම මාධ්‍ය තුලින් සමාජගත කිරීමට පූර්ණ වශයෙන් වග වන්නේය. ඒ සඳහා විශ්වාසනීය වූත් ආකර්ෂණීය වූත් ප්‍රවේශයක් මගින් විද්‍යුත්, මුද්‍රිත සහ නව මාධ්‍ය දායක කර ගැනේ. මාධ්‍ය අංශය රාජ්‍ය සහ පෞද්ගලික මාධ්‍ය ආයතන හා මාධ්‍යවේදීන් සමඟ මනා සම්බන්ධීකරණයක් පවත්වා ගනිමින් ජනාධිපතිතුමාගේ දැක්ම හා මෙහෙවර විෂයයෙහි තොරතුරු මූලාශ්‍රයක් ලෙස ක්‍රියා කරයි. ඉහළ ප්‍රමිතියකින් යුත් මාධ්‍ය භාවිතයක් ඔස්සේ ජාතික ප්‍රතිපත්ති, සැලසුම් හා ක්‍රියාමාර්ග ජනතාවට පැහැදිලි කරයි. දුර්මත හඳුනා ගෙන සත්‍යය අනාවරණය කරයි.