දිවංගත ඩී.ඒ. රාජපක්ෂ මහතාගේ 55වන ගුණ සමරුව නිමිත්තෙන් විශේෂ ගුණ සමරු දේශනය අද (24) පස්වරුවේ කොළඹ නව නගර ශාලාවේදී පැවැත්වුණු අතර එහි ප්රධාන ආරාධිත අමුත්තා ලෙස ජනාධිපති රනිල් වික්රමසිංහ මහතා සහභාගී විය.
රාජපක්ෂ අනුස්මරණ අධ්යාපනික, සංස්කෘතික හා සමාජ සේවා පදනම විසින් සංවිධානය කර තිබූ මෙම උළෙලේ මුලසුන මහා විහාර වංශික ශ්රී ලංකා රාමඤ්ඤ මහා නිකායේ අනුනායක මිනුවන්ගොඩ පත්තඩුවන භික්ෂු අභ්යාස ආයතනාධිපති පූජ්ය නැදගමුවේ විජය මෛත්රී ස්වාමීන් වහන්සේ විසින් හොබවනු ලැබීය.
“එක් තීරයක් – එක් මාවතක් තිරසාර සංවර්ධනයට උගත හැකි පාඩම්” මැයෙන් මැලේසියාවේ ක්වාලාලූම්පූර් විශ්වවිද්යාලයේ මහාචාර්ය සමිත හෙට්ටිගේ මහතා විසින් ප්රධාන ගුණ සමරු දේශනය සිදු කරන ලදී.
ගුණ සමරු දේශනය ඇතුළත් කෘතිය ජනාධිපතිවරයා වෙත පිළිගැන්වීම ද මෙහිදී සිදු කෙරිණි.
කොළඹ නව නගර ශාලාවේ තැන්පත් කර තිබූ ඩී.ඒ. රාජපක්ෂ පිළිරුවට මල්දමක් පළඳවා උපහාර දැක්වීම කථානායක මහින්ද යාපා අබේවර්ධන මහතා විසින් සිදු කළේය.
නාරාහේන්පිට අභයාරාමාධිපති, බස්නාහිර පළාතේ ප්රධාන සංඝනායක පූජ්ය මුරුත්තෙට්ටුවේ ආනන්ද නායක හිමිපාණන් වහන්සේ, පූජ්ය වටිනාපහ සෝමානන්ද ස්වාමීන් වහන්සේ සහ අග්රාමාත්ය දිනේෂ් ගුණවර්ධන, හිටපු ජනාධිපති මහින්ද රාජපක්ෂ, දකුණු පළාත් ආණ්ඩුකාර විලී ගමගේ, රාජ්ය අමාත්යවරුන් වන ඩී.බී. හේරත්, ඉන්දික අනුරුද්ධ, ශෂේන්ද්ර රාජපක්ෂ, ජානක වක්කුඹුර, එක්සත් ජාතික පක්ෂයේ සභාපති පාර්ලිමේන්තු මන්ත්රී වජිර අබේවර්ධන, පාර්ලිමේන්තු මන්ත්රීවරුන් වන චමල් රාජපක්ෂ, ගාමිණි ලොකුගේ, එස්.එම්. චන්ද්රසේන, හිටපු අමාත්ය බැසිල් රාජපක්ෂ යන මහත්වරු ද විදෙස් තානාපතිවරු ඇතුළු ආරාධිත පිරිසක් මෙම අවස්ථාවට එක්ව සිටියහ.
ජනාධිපති මාධ්ය අංශය අතිගරු ජනාධිපතිතුමාගේ දැක්ම, ක්රියාමාර්ග, තීරණ, ප්රකාශ තත් අයුරින්ම මාධ්ය තුලින් සමාජගත කිරීමට පූර්ණ වශයෙන් වග වන්නේය. ඒ සඳහා විශ්වාසනීය වූත් ආකර්ෂණීය වූත් ප්රවේශයක් මගින් විද්යුත්, මුද්රිත සහ නව මාධ්ය දායක කර ගැනේ. මාධ්ය අංශය රාජ්ය සහ පෞද්ගලික මාධ්ය ආයතන හා මාධ්යවේදීන් සමඟ මනා සම්බන්ධීකරණයක් පවත්වා ගනිමින් ජනාධිපතිතුමාගේ දැක්ම හා මෙහෙවර විෂයයෙහි තොරතුරු මූලාශ්රයක් ලෙස ක්රියා කරයි. ඉහළ ප්රමිතියකින් යුත් මාධ්ය භාවිතයක් ඔස්සේ ජාතික ප්රතිපත්ති, සැලසුම් හා ක්රියාමාර්ග ජනතාවට පැහැදිලි කරයි. දුර්මත හඳුනා ගෙන සත්යය අනාවරණය කරයි.
