සංචාරක සංවර්ධන මණ්ඩලය, ත්රිවිධ හමුදාව සහ පොලීසිය එක්ව ජනාධිපති කාර්යාල පරිශ්රය අවට සංවිධානය කළ විශේෂ නත්තල් කැරොල් ගී ප්රසංගය සහ සැණකෙළිය ඊයේ (18) පස්වරුවේ ජනාධිපති රනිල් වික්රමසිංහ මහතා අතින් විවෘත කෙරිණි.
නත්තල් අසිරිය විඳ ගැනීමට ජනතාවට අවස්ථාවක් සලසා දෙමින් මෙය සංවිධානය කර තිබූ අතර ජාති, ආගම් බේදයකින් තොරව අති විශාල ජනතාවක් ඊයේ ජනාධිපති කාර්යාලය අවට සහ කොළඹ ගාලු මුවදොර පිටියට රැස්ව සිටියහ.
ඔවුන් සමග සුහද කතා බහක නිරත වෙමින් ගාලු මුවදොර පිටිය අභියස සැණකෙළි භූමිය වෙත පැමිණි ජනාධිපතිවරයාට එහි රැස්ව සිටි පිරිසගෙන් ඉතා සුහදශීලි පිළිගැනීමක් හිමි විය.
සැණකෙළිය නැරඹීමට පැමිණ සිටි කුඩා දරුවන්ගේ තොරතුරු විමසීමට ද අමතක නොකළ ජනාධිපතිවරයා ඔවුන් සමග ඡායාරූප කිහිපයකට පෙනී සිටියේය.
ත්රිවිධ හමුදාවේ සහ පොලීසියේ ගායන කණ්ඩායම්වල සහභාගීත්වයෙන් නත්තල් කැරොල් ගී ප්රසගංයක් ඊයේ ජනාධිපති කාර්යාල පරිශ්රයේ දී ආරම්භ වූ අතර ඒ අසළ ඇති මහාමාත්ය ඩී.එස්. සේනානායක පිළිරුව අභියස පඩි පෙළේ අසුන්ගත් ජනාධිපතිවරයා අමාත්ය හරීන් ප්රනාන්දු සහ මනුෂ නානායක්කාර යන මහත්වරු සමග එක්ව නත්තල් කැරොල් ගී ප්රසංගය නැරඹීය.
මෙම නත්තල් කැරොල් ගී ප්රසංගය සහ සැණකෙළිය දෙසැම්බර් 23 වනදා දක්වා රාත්රී 7.00 සිට රාත්රී 8.30 දක්වා පැවැත්වෙයි.
ඊට සමගාමීව ත්රිවිධ හමුදාවේ සහ පොලීසියේ තූර්ය වාදන කණ්ඩායම්වල සහභාගීත්වයෙන් තූර්ය වාදන සංදර්ශනයක් ද පැවැත්වෙන අතර, එම සංදර්ශණය සහ සැණකෙළි භූමියේ ඉදිකර ඇති විශාල නත්තල් ගස දැක බලා ගැනීමේ අවස්ථාව මහජනතාවට උදා වේ.
ජනාධිපති මාධ්ය අංශය අතිගරු ජනාධිපතිතුමාගේ දැක්ම, ක්රියාමාර්ග, තීරණ, ප්රකාශ තත් අයුරින්ම මාධ්ය තුලින් සමාජගත කිරීමට පූර්ණ වශයෙන් වග වන්නේය. ඒ සඳහා විශ්වාසනීය වූත් ආකර්ෂණීය වූත් ප්රවේශයක් මගින් විද්යුත්, මුද්රිත සහ නව මාධ්ය දායක කර ගැනේ. මාධ්ය අංශය රාජ්ය සහ පෞද්ගලික මාධ්ය ආයතන හා මාධ්යවේදීන් සමඟ මනා සම්බන්ධීකරණයක් පවත්වා ගනිමින් ජනාධිපතිතුමාගේ දැක්ම හා මෙහෙවර විෂයයෙහි තොරතුරු මූලාශ්රයක් ලෙස ක්රියා කරයි. ඉහළ ප්රමිතියකින් යුත් මාධ්ය භාවිතයක් ඔස්සේ ජාතික ප්රතිපත්ති, සැලසුම් හා ක්රියාමාර්ග ජනතාවට පැහැදිලි කරයි. දුර්මත හඳුනා ගෙන සත්යය අනාවරණය කරයි.
