75 වන ජාතික නිදහස් සැමරුමට සමගාමීව කොළඹ 07 සෞන්දර්ය කලා විශ්වවිද්යාලයේ ජේ.ඩී.ඒ. පෙරේරා කලාගාරයේ පැවැත්වෙන “ ආර්ට් ඔෆ් ශ්රී ලංකා” චිත්ර ප්රදර්ශනය නැරඹීමට ජනාධිපති රනිල් වික්රමසිංහ මහතා ඊයේ (09) පස්වරුවේ එක් විය.
ජනාධිපති රනිල් වික්රමසිංහ මහතාගේ උපදෙස් මත සංවිධානය කළ “ ආර්ට් ඔෆ් ශ්රී ලංකා” චිත්ර ප්රදර්ශනය ශ්රී ලංකාවේ තායිලන්ත තානාපති පොජ් හාර්න්පේල් (Poj Harnpol) මහතා ගේ ප්රධානත්වයෙන් පසුගිය 04 වනදා ආරම්භ කෙරිණි.
මෙරට අභිමානය විදහා දැක්වෙන අයුරින් නවක හා දක්ෂ චිත්ර ශිල්පීන්ගේ සහභාගිත්වයෙන් පැවැත්වෙන මෙම චිත්ර ප්රදර්ශනය ප්රවීණ චිත්ර ශිල්පී එච්. එස් සරත් මහතා විසින් සංවිධානය කර තිබේ.
“ආර්ට් ඔෆ් ශ්රී ලංකා” චිත්ර ප්රදර්ශනය පිළිබඳ අදහස් දක්වමින් ප්රවීණ චිත්ර ශිල්පී එච්. එස් සරත් මහතා කියා සිටියේ බලාපොරොත්තු වූ පරිදි රට පුරා තරුණ මෙන්ම වැඩිහිටි චිත්ර ශිල්පීන් විශාල සංඛ්යාවක් මෙම චිත්ර ප්රදර්ශනය සඳහා චිත්ර යොමු කළ බවත්, අරගලයේ සිටි තරුණ තරුණියන් ද ඒ අතර වන බවයි.
චිත්ර ප්රදර්ශනය නැරඹූ ජනාධිපති රනිල් වික්රමසිංහ මහතා ප්රදර්ශනයට සහභාගී වූ චිත්ර ශිල්පීන් සමඟ සුහද කථා බහකට ද එක් විය.
වසර 03කට වරක්වත් මෙවැනි චිත්ර ප්රදර්ශනයක් සංවිධානය කරන ලෙස මෙහිදී ඔවුන් ජනාධිපතිවරයාගෙන් ඉල්ලා සිටී අතර වසර තුනකට වරක් නොව, වසරකට වරක් මෙවන් සාර්ථක චිත්ර ප්රදර්ශනයක් සංචාරක කර්මාන්තය ද ඉලක්ක කර ගනිමින් සංවිධානය කිරීමට අපේක්ෂා කරන බව ජනාධිපති රනිල් වික්රමසිංහ මහතා සඳහන් කළේය.
ජනාධිපතිවරයාගේ රුව සහිත ආලේඛ්ය චිත්රයක් ඇතුළු චිත්ර කිහිපයක් මෙහිදී ජනාධිපතිවරයා වෙත පිළිගැන්වීම ද සිදු විය.
“ ආර්ට් ඔෆ් ශ්රී ලංකා” චිත්ර ප්රදර්ශනය අදින් අවසන් කෙරේ.
ජනාධිපති මාධ්ය අංශය අතිගරු ජනාධිපතිතුමාගේ දැක්ම, ක්රියාමාර්ග, තීරණ, ප්රකාශ තත් අයුරින්ම මාධ්ය තුලින් සමාජගත කිරීමට පූර්ණ වශයෙන් වග වන්නේය. ඒ සඳහා විශ්වාසනීය වූත් ආකර්ෂණීය වූත් ප්රවේශයක් මගින් විද්යුත්, මුද්රිත සහ නව මාධ්ය දායක කර ගැනේ. මාධ්ය අංශය රාජ්ය සහ පෞද්ගලික මාධ්ය ආයතන හා මාධ්යවේදීන් සමඟ මනා සම්බන්ධීකරණයක් පවත්වා ගනිමින් ජනාධිපතිතුමාගේ දැක්ම හා මෙහෙවර විෂයයෙහි තොරතුරු මූලාශ්රයක් ලෙස ක්රියා කරයි. ඉහළ ප්රමිතියකින් යුත් මාධ්ය භාවිතයක් ඔස්සේ ජාතික ප්රතිපත්ති, සැලසුම් හා ක්රියාමාර්ග ජනතාවට පැහැදිලි කරයි. දුර්මත හඳුනා ගෙන සත්යය අනාවරණය කරයි.
