වර්තමානයේ ශ්රී ලංකාව හමුවේ ඇති අභියෝගවලට සාර්ථකව මුහුණදීමට හැකිවේවායි ප්රාර්ථනය කරන බව චෙක් ජනරජයේ ජනාධිපති මයිලෝස් සීමන් (Milos Zeman) මහතා ජනාධිපති රනිල් වික්රමසිංහ මහතා වෙත සුබපැතුම් පණිවිඩයක් යොමු කරමින් සඳහන් කර තිබේ.
ජනාධිපති ධූරයට පත්වීම නිමිත්තෙන් වික්රමසිංහ මහතාට සිය හෘදයාංගම සුබපැතුම් පිරිනමා ඇති Milos Zeman මහතා, අත්දැකීම් සහිත නායකයෙකු ලෙස එතුමා අභියෝග සාර්ථකව ජය ගනු ඇති බවට ද විශ්වාසය පළ කර ඇත.
චෙක් ජනරජය සහ ශ්රී ලංකාව අන්යෝන්ය අවබෝධය සහ සහයෝගීතාවය මත කිට්ටු මිත්රත්වයක් භුක්ති විඳි. සාම්ප්රදායිකව පැවතෙන එම යහපත් සබඳතා දෙරටේම ජනතාවගේ ප්රයෝජනය සඳහා අඛණ්ඩව ගැඹුරින් වර්ධනය කර ගැනීම අපේකෂාව බව ද සිය සුබපැතුම් පණිවිඩයේ චෙක් ජනරජයේ ජනාධිපතිතුමා සඳහන් කර තිබේ.
ජනාධිපති මාධ්ය අංශය
2022-08-08
ජනාධිපති මාධ්ය අංශය අතිගරු ජනාධිපතිතුමාගේ දැක්ම, ක්රියාමාර්ග, තීරණ, ප්රකාශ තත් අයුරින්ම මාධ්ය තුලින් සමාජගත කිරීමට පූර්ණ වශයෙන් වග වන්නේය. ඒ සඳහා විශ්වාසනීය වූත් ආකර්ෂණීය වූත් ප්රවේශයක් මගින් විද්යුත්, මුද්රිත සහ නව මාධ්ය දායක කර ගැනේ. මාධ්ය අංශය රාජ්ය සහ පෞද්ගලික මාධ්ය ආයතන හා මාධ්යවේදීන් සමඟ මනා සම්බන්ධීකරණයක් පවත්වා ගනිමින් ජනාධිපතිතුමාගේ දැක්ම හා මෙහෙවර විෂයයෙහි තොරතුරු මූලාශ්රයක් ලෙස ක්රියා කරයි. ඉහළ ප්රමිතියකින් යුත් මාධ්ය භාවිතයක් ඔස්සේ ජාතික ප්රතිපත්ති, සැලසුම් හා ක්රියාමාර්ග ජනතාවට පැහැදිලි කරයි. දුර්මත හඳුනා ගෙන සත්යය අනාවරණය කරයි.
